Na shab ka hosh hai, na subah ka kuch pata
Hai gar ye ishq to meri kya khata

Mere lab pe bas tera hi naam hai
Is duniya se mujhe kya kaam hai

Hai chehra tera chaand, aankhein sitaare hain
Dil ki baazi mein sirf hum hi haare hain

Meri har baaton mein sirf tera zikr hai
Har lamha har pal bas teri fikr hai

Is ektarfa ishq mein mera hi dil roya hai
Tujhe kya pata maine kya kya khoya hai

Hoon akela main mujhe ghere khadi tanhaai hai
Meri kismat mein hi likhi kyun judaai hai?

Aasmaan mein likhi hai mere ishq ki daastan
Sochta hoon padh loon use bhar ke ek udaan

Hai ye mera ishq mujhe is par yakeen hai
Yehi mera aasmaan yehi meri zameen hai

Sign In to know Author