Sapno ke beech halka sa muskura bhi ja...
Neend tod ke thoda yu sata bhi ja...
Mann se tasveer teri hat-ti nahi, ittefaq hi sahi...
Par nazron ke samne kabhi aa bhi ja...



Paas hone ka ehsaas kara bhi ja...
Kaano me apni baatein bata bhi ja...
Awaazein teri abhi bhi goonjti hain, galti se hi sahi...
Par iss dil ke nazdeek kabhi aa bhi ja...



Baalon ko ungliyo se yuhi sehla bhi ja...
In sooni dhadkano ko kabhi behla bhi ja...
Tumhe choone ki soch se hi tan kaamp uth-ta hai, nasamjhi hi sahi...
Par in baahon me kabhi aa bhi ja...



Takiye ke sirhaane me saath dene kabhi aa bhi ja...
Woh thaki huyi lambi raat guzaarne kabhi aa bhi ja...
Tere badan ki khushbu jaati nahi in haathon se, nashe me hi sahi...
Par bistar ke silvaton pe apni mehek basaane kabhi aa bhi ja...

Tags: Poetry

Sign In to know Author