Ek waqt woh tha jab dhara ki neend uchti jaa rahi thi,
Badh rahi thi woh kshitij ki or pal-pal magan si...
Mad bhi kuchh madhosh-sa tha, hosh kuchh behosh-sa tha,
Chal rahi thi woh nirantar, praanon mein chhaya josh-sa tha...
Kuchh nazar aata nahi tha, kuchh use bhaata nahi tha...
Shravya kuchh bhi tha nahi, aankhon mein kuchh sapna nahi...
Bas ek aasha, ek vishwaas; ek ummeed par bandhi har shwaas...
Poori tarah nishchint thi woh, yatharth se anbhigya thi woh...
Thak gayi, toh ruk gayi; Yeh sochkar phir hoga safar...
Phir sandhya bela aate-aate thithak gayi...
Praan-vaayu lupt-si thi, zindagi kuchh kshubdh-si thi...
Par ruki kahan woh? phir chali,
Us hod me pichhdi bohot, phir bhi chali, bas chali....
Ek andhe vishwaas ke saath...
Ant me satya mila toh ho gayi jadwat(!)!
Sehemkar ek or simat gayi;
Woh kshitij kuchh bhi nahi, woh thi mehez ek kalpana,
Bas itni-si thi zindagi, bas itna JEEVAN SAAR...

Sign In to know Author