Kasmakash

Chahti thi likhni ek kavita
Par mann mei jo khalbali thi
Kaise karti roopantar bhala
Ye bin tukbandi k chhando mei
__________________________

Justju hai jo aap se
Wo shabd bhi kam par gaye
Aashiqi hai jo aap se
Wo fir bhi kam na hui

Vaada jo tha aapne kiya
Usi intzaar mei toh ye waqt kaate
Par wo yun beete aise ki
Tees si reh gayi is zehen mei

Khamoshiyon mei bhi khojti aapko
Shor mei bhi tanhayi dhoondhti
Shayad they hi na aap hamare naseeb mei
Par fir bhi kami khalti thi is dil mei

Robaroo hona chahte they
Hum unke ashq se
Rehna saath chahte they
Hum unke kareeb
Jaan na chahte they
Hum unko, bas sirf unko
Aapko, bas sirf aapko

Kaisa hai ye jeevan ka saar
Kaisi hai ye kasmakash!!