Kaash kuchh der aur tere saath reh paata..
kuchh der aur tere baalon ko sehlaata..
kuchh der aur teri aankhon me dekh paata..
kuchh der aur teri khushboo me khoya reh jaata..
Kaash kuchh der aur teri shikayatein sun paata..
kuchh der aur tujhe manaane me lagaata..
kuchh der aur tere nakhre main uthaata..
kuchh der aur tujhe baahon me apni jhulaata..
Kaash kuchh der aur tujhse baatein kar paata..
kuchh der aur apne dil ke ehsaas tujhe bataata..
kuchh der aur teri hansi me khoya reh jaata..
kuchh der aur teri haan ka intezaar kar paata..
Kaash kuchh der aur teri saanson ko sun paata..
kuchh der aur tujhe muskuraate dekh paata..
kuchh der aur tere kareeb reh paata..
kuchh der aur tujhe apna keh paata..
Kaash kuchh der aur tu yahin mere saath reh jaati..
kuchh der aur mujhse jhuthe waade kiye jaati..
kuchh der aur mujhe zinda rehne de jaati..
kuchh der aur apna sach kehne me lagaati..
