maa..

Kyu hai mujhse roothi maa
Kyu nahi karti tu mujhse baat
Aisa bhi kya kiya gunaah Maine
Kusoor hai yahi ke main hu ladki jaat
Par tu bhi to ek aurat hai
Teri hi parchai hu maa
Aankh kholi to tujhe dekha
Chaha na kuch aur bas tujhe hi chahti hu maa
Gar hota mere bas me to zarur ladka banti
Par tu fikar mat kar
Tera sarr garv se roshan karungi main
Tu itna bharosa to rakh mujhpar
Hai tujhe kyu ye darr
chahe to aazma le mujhe
Par ek baar baat to kar
Ek baar haath to bada
Mujhe ek baar to apnaa
Le chal mujhe kahin duur is jahaan se
Jaha tujhe mujhe pyaar karne se pehle sochna na padey..