Mai toofano mein chalne ka aadi hoon...

Mai toofano mein chalne ka aadi hoon,
Tum mat meri manzil aasaan karo.

Hain phool rokte, kaante mujhe chalate,
Marusthal, pahaad chalne ki chah badhate.
Angaar adhar par dhar muskaya hoon,
Mai marghat se zindagi bula ke laya hoon,
Sau baar maut ke gale choom ke aaya hoon,
Hai nahin swikar daya bhi apni,
Tum mat mujhpar koi ehsaan karo.

Mai toofano mein chalne ka aadi hoon,
Tum mat meri manzil aasaan karo.