Meri kadr toh tune ki hi nahi....

Sone ka pinjara, pinjare mein chidiya
meri awaaz toh sane suni,
na suna toh mera dard,
mere dard ki tujhe kya padi,
pinjare mein band zindagi tune jee hi nahi !
Meri kadr toh tune ki hi nahi........

Sajawat ki cheez hu, kone mein padi
teri hansi aur ranj sab sehti gayi,
sahi tera pyaar, berukhi bhi sahi,
mere gham ki baarish, paani hi sahi,
samaan soch hi nazar bhar toh dekha hota kabhi !!
Meri kadr toh tune ki hi nahi........

Aas magar ab hai nahi,
saans toh hai par jeene ki tadap nahi,
ek kona bacha rakha hai fir bhi kahin,
tu na sahi , tera dard hi sahi,
saath k tere mujhe ab garaj nahi !!!
Meri kadr toh tune ki hi nahi......