Rihaa Hone Se Darta Hai...................

Yahan Har Shakhs Har Pal Hadsa Hone Se Darta Hai
Khilona Hai Jo Mitti Ka Fana Hone Se Darta Hai,
Mere Dil Ke Kisis Kone Me Ek Masum Sa Bacha
Bado Ki Dekh Kar Duniya Bada Hone Se Darta Hai,

Bahut Mushkil Nahi Hai Yun Aaine Ke Samne Jana
Yeh Mera Dil Magar Kyu Samna Hone Se Darta Hai,
Na Bas Mein Jindagi Iske Na Kabu Maut Par Iska
Magar Insan Phir Bhi Kab Khuda Hone Se Darta Hai,
Ajab Yah Zindagi Ki Kaid Hai Ki Duniya Ka Har Insaan
Rihaii Mangta Hai
Par Rihaa Hone Se Darta Hai...!!!